Ko e hā ‘a e ngaahi me‘angāue te u fiema‘u?

Te ke fiema‘u ha hina huhu mo e mata‘ihuhu ‘oku ‘i ai hano tāpuni, kola mo hano fo‘i ‘umosi.

Te ke toe fiema‘u foki ha polosi fufulu hina huhu pea mo ha polosi fufulu mata‘ihina huhu, me‘a hiko (tongs), pea mo ha nāunau ke haka ai ‘eni (‘e fiema‘u ‘eni ki he fuofua māhina ‘e 6).

‘Oku ‘ikai ma‘u ‘e he hina huhu kotoa pē ha faka‘ilonga fua hu‘akau ‘oku tonu mo pau.  Ke fakapapau‘i ‘oku tonu ‘a e laine fua hu‘akau ‘i ho‘o ngaahi hina huhu´, vakai‘i pe ‘oku ‘asi ‘i he tu‘a hina´ pe puha fa‘o‘anga hina huhu´ ‘a e faka‘ilonga tu‘upau ko e EN14350, pe ko ho‘o ‘alu atu mo ho‘o ‘ū hina huhu´ ki he fale talavai´ (pharmacy) ‘o kole ange ki ha taha ‘i he kau ngāue´ ke ne vakai‘i pe ‘oku tonu ‘a e laine fua hu‘akau ‘i he ‘ū hina huhu´.