Kili ki he kili?

Ko e pā ko ia ‘a ho kili´ ki he kili ‘o ho‘o tama´ ‘oku kaunga lelei ia kiate kimoua fakatou‘osi ‘i ha fa‘ahinga taimi pē.  ‘Oku mātu‘aki mahu‘inga ‘aupito ‘eni ‘i he hili pē ‘o hono fā‘ele‘i´, ‘o tatau ai pē pe ‘oku fakahuhu pe ‘oku inu hu‘akau pēpē. 

‘E hoko ‘a ho‘o ‘ō‘ōfaki ‘a ho‘o pēpee´ ki ho kili´ (‘ai hono kete´ ki ho funga kete´) hili pē hono fā‘ele‘i´ ke fakatotoka ai ‘a ‘ene mānava´ pea mo tokoni ke fakamāfana‘i ai ia.  ‘E tokoni foki eni ke fakanonga ‘a ho‘o pēpee´ pea mo kamata‘i ai ‘a ho‘o´ mo vāofi´.  Ko e lahi ange ko ia ‘a e taimi ‘oku femilisino ai ho mo kili´ ko e toe vave ange ia ‘a e hoko ‘a e ngaahi me‘a´ ni.