Ko e me‘akai fēfē?

• kamata‘aki hano fafanga sēpuni atu ‘o ha me‘akai kuo ‘osi tā/o‘i ke sepo ‘i he taimi kuo mateuteu ai ‘a ho‘o pēpee´ (mei´ he māhina 6 nai)
• hiki atu ki ha me‘akai ‘osi o‘i pe tofitofi ‘i he ngaahi māhina hoko´
• ‘oatu ha me‘akai te ne lava ‘o pukepuke ‘i hono nima´ (finger food) ‘o kamata mei´ he māhina 7-8 ‘i he taimi ‘oku´ ne lava pē ai ‘o to‘o hake ‘a ‘ene me‘akai´, ‘ohake ia ki hono ngutu´ ‘o ne lamulamu ‘eni

Tānaki atu ha ngaahi me‘akai fuo pe kili kehekehe, ngaahi kalasi me‘akai kehekehe, ifo mo e lahi kehekehe ‘i he ‘alu ko ia ke toe lahi ange´.  ‘I he ‘ene a‘u ki hono māhina 12, kuo mateuteu leva ‘a ho‘o pēpee´ ke ne kai pē ha ki‘i ‘inasi si‘isi‘i ‘o e me‘akai tatau ‘oku kai mei ai ‘a e toenga ‘o e fāmili´. 

Manatu‘i ke ‘oange ki ho‘o pēpee´ ha me‘akai ‘oku lahi ai ‘a e ‘aione´ (iron) ‘o hangē ko ha siliolo kuo ‘osi tānaki ki ai ‘a e ‘aione´ pea mo/pe ko ha kakano‘imanu. 

Teuteu‘i ma‘u pē, pe ko hano fakatau ha me‘akai pēpē ‘oku ‘ikai toe tānaki ki ai ha ngako, māsima, suka, hone pe ngaahi me‘a fakamelie kehe.

Talitali ke toki māhina 12 pe lahi ange ai ‘a ho‘o pēpee´ kae toki ‘oatu ki ai ha hone – ‘e lava ke puke lahi ai heni ha fanga ki‘i pēpē kei valevale.