Pneumonia Animation (Tongan)

Transcript

Ko e niumōniá ko ha mahaki‘ia ia ‘o e ma‘ama‘á. 

Te ne lava ‘o uesia ‘a e fānaú ‘i he to‘u kotoa pē.

Ko e fānau ‘oku mo‘ua ‘i he niumōniá:

• tale
• mo e mofi

‘E lava foki ke toe mo‘ua ‘a e fānaú ‘i he:

• faingata‘a mo vave ange ‘enau mānavá
• longolongoa‘a ‘enau mānavá 
• faingata‘a ke kai mo inu

Kapau ‘okú ke fakakaukau ‘oku ngali ma‘u ‘e ho‘o tamá ‘a e niumōniá, sio ki ha tokotaha ngāue palofesinale ki he mo‘ui leleí.

Ko e lahi taha ‘o e ngaahi fānau ‘oku mo‘ua ‘i he niumōniá ‘oku nau lava ‘o sai lelei ka ‘e lava pē ke a‘u ki ha ngaahi uike.

‘E ala fiema‘u ke ‘ave ha fānau ‘e ni‘ihi ki falemahaki.

Kapau ‘okú ke hoha‘a, telefoni ki he Healthline ‘i he fika 0800 611 116 pe ‘alu ki ha tokotaha ngāue palofesinale ki he mo‘ui leleí, kapau ko ho tamá ‘oku:

• si‘i hifo ‘i he māhina ‘e 3 hono ta‘u motu‘á pe 
• faingata‘a ‘ene mānavá pe
• si‘isi‘i ange ‘i he vaeuá ‘a e lahi ‘o e me‘akai angamaheni ‘okú ne kaí pe
• mata‘i puke pe
• toe kovi ange hili ha‘ane kamata ke sai

Tatau ai pē kapau kuo ‘osi ‘ave ho tamá ki ha tokotaha ngāue fakapalofesinale ki he mo‘ui leleí - kapau ‘okú ke hoha‘a pe ‘oku faka‘au ke kovi ange, toe sio ki ha tokotaha ngāue fakapalofesinale ki he mo‘ui leleí.

Taila ‘a e 111 kapau ko ho‘o tamá ‘oku:

• lanu pulū takatakai ‘a e ngutú pe
• faingata‘a‘ia ‘ene mānavá pe 
• faingata‘a ke ‘ā‘ā pe
• ngāpelupelu

‘Oku ‘i ai ha fānau ‘e ni‘ihi ‘e lava ke ‘i ai ha mahaki‘ia ‘oku tolonga ‘o lōloa ange.

Sio leva ki ha tokotaha ngāue fakapalofesinale ki he mo‘ui leleí kapau ‘oku:

• faka‘au ke kovi ange ‘a e talé pe 
• kuo laka hake ‘i he māhina ‘e 4 ‘a e talé pe
• kuo niumōnia ho tamá kimu‘a

Vakai ki ha fakamatala lahi ange fekau‘aki mo e niumōniá (‘i he lea Faka-Pilitāniá) ‘i he KidsHealth.