Tuku ke fili ‘e ho‘o pēpee´ ‘a e lahi ‘o ‘ene me‘atokoni´

Tuku ke tataki koe ‘e he u‘a ‘o ho‘o pēpee´.  ‘Oatu ki ho‘o pēpee´ ha ngaahi me‘atokoni fo‘ou.  Tuku pē ke ne fili ‘a e lahi ‘o e me‘atokoni te ne kai´ - fakakaukau‘i ‘e koe ‘a e me‘atokoni ke ‘oatu´ kae tuku ki ho‘o pēpee´ ke ne fakakaukau‘i ‘a e lahi ‘o e me‘atokoni te ne ma‘u´.

‘Oku ‘oatu ‘e he ngaahi houa ma‘u me‘atokoni´ pea mo e fanga ki‘i fakaneifua fakatupu mo‘ui lelei´ ha ngaahi faingamālie ke ne ma‘u ai ha ngaahi me‘atokoni kehekehe.  Kapau ‘oku si‘isi‘i pē pe ‘oku ‘ikai ke kai ‘e ho‘o pēpee´ ha me‘akai ‘i ha houa kai, ‘oku lelei pē ia.  Te ne toki kai fakalahi ia mei´ ha ngaahi houa kai mo e fakaneifua ‘amui ange. 

‘Ai ke fakafiemālie pē ‘a e taimi ma‘u me‘atokoni´.  Ko e taimi ‘e ni‘ihi ‘e fiema‘u ha taimi ke ne anga ai ki ha ngaahi me‘akai fo‘ou.  ‘Oku lelei ange ‘a e fa‘a kātaki´ ‘i hano fakatenge.