Ko tēhea paura miraka?

He pai te kōwhiri i ngā paura ‘mai i te whānautanga’ e tika ana ki tō pūtea.  Kāore he taunakitanga motuhake e kī ana he pai ake te paura miraka a tētahi kamupene mā tō pēpi.

Kōwhiria he paura miraka e tika ki te pakeke o tō pēpi.  Ka pāngia pea tō pēpi e te mate mēnā ka whāngaihia e koe tō pēpi ki tētahi paura miraka e tika ana mā ngā pēpi pakeke ake.

Me pānui koe i ngā tohutohu kei te tini paura miraka i ngā wā katoa, ka āta whai haere.

E taunakihia ana ngā paura miraka kau mō ngā pēpi hauora kāore i te ngote ū.

Mēnā ki tō whakaaro he pāwera tō tamaiti ki te miraka kau, me kōrero koe ki tō tapuhi whakawhānau (tētahi atu kaitaurima pēpi rānei), tō nēhi Tamariki Ora rānei i mua i te hokotanga i tētahi atu.