Hunger cues for formula feeding: Video transcript [1]
‘I he taimi ‘oku fiekaia ai ‘a ho‘o pēpee´, ‘e ‘asi atu ‘a e ngaahi faka‘ilonga hangē ko e tua takai holo ‘a hono ngutu´, kaituhu pe fakamu‘omu‘angutu holo (fakaava hono ngutu´ pea tākalo takai holo hono fo‘i ‘ulu´). ‘E lava ke ‘asi mai ‘a e ngaahi faka‘ilonga ko eni´ ‘o tatau ai pē pe ‘oku kuikui pe ‘ā‘ā.
Ko e ngaahi mu‘aki faka‘ilonga ko eni ki he fiekaia ‘a ho‘o pēpee´ ‘oku mātu‘aki mahu‘inga ‘aupito ia ‘i he fuofua taimi ‘oku´ mo akoako ai mo ho‘o pēpee´ ki he fafanga´. Feinga ke fafanga ma‘u pē ‘a ho‘o pēpee´ ‘i he taimi kotoa pē ‘oku ‘asi mai ai ‘a e ngaahi faka‘ilonga ‘oku fiekaia´.
Ko e tangi´ ‘e ngali ko e toki faka‘ilonga fakamuimuitaha ia ki he fiekaia ‘a ho‘o pēpee´. Feinga ke fafanga ‘a ho‘o pēpee´ kimu‘a he te‘eki ke tangi´. ‘Oku faingofua ange ke fafanga ia he taimi ‘oku ‘ikai ke lotomamahi mo tangi ai´.
‘E tokoni ‘a hono tuku ke nofo ofi atu pē ‘a pēpē kiate koe´, ‘o kau ai mo ha‘a´ ne mohe pē ‘i he loki tatau ‘i he po‘uli´ (kae ‘ikai ‘aupito ‘i ho mohenga´), ki ho‘o fakapapau‘i ‘oku´ ke fakatokanga‘i ‘a e ngaahi faka‘ilonga kuo taimi ke fafanga ai
ia´. ‘E tokoni eni ke ongo‘i malu mo hao ai ‘a ho‘o pēpee´ pea ‘e tokoni eni ki ho‘o´ mo vāofi´.
This page last reviewed 19 December 2022.
Email us [4] your feedback
Links
[1] https://kidshealth.org.nz/hunger-cues-formula-feeding-video-transcript
[2] https://kidshealth.org.nz/feeding-your-baby-infant-formula?language=ton
[3] https://kidshealth.org.nz/node/2756?language=ton
[4] https://kidshealth.org.nz/contact?from=http%3A%2F%2Fkidshealth.org.nz%2Fprint%2F1224%3Flanguage%3Dton