Croup | Te Mate Maremare Pēpi (Animation)

Transcript

Ko te mate maremare pēpi ko tētahi mate e whakawhāitihia ngā arahau o runga.

I te nuinga o te wā ko ngā kōhungahunga ka pāngia.

Ka tīmata pea te mate maremare pēpi ki ngā tohumate o te maremare pērā i te:

• korokoro mamae
• kirikā
• rere o te hūpē

Kei ngā tamariki e pāngia ana e te mate maremare pēpi:

• he maremare whakatau
• ka raru te ngāngā
• he momo ngāngā hoihoi e kīia ana ko te stridor

He taumaha ake pea ngā tohumate o te mate maremare pēpi i te pō, ina auhi ana tō tamaiti rānei.

He mate ngāwari pea te mate maremare pēpi engari he tere rawa pea te huri kia taumaha.

Torohia kōhukihukitia tētahi ngaio hauora mēnā e pēnei ana tō tamaiti:

• he ngāngā hoihoi tāna e kino haere ana, tērā rānei
• e auhi haere ana ia, ā, tē taea e koe te whakatau i a ia,.

Mēnā he āwangawanga āu, waea atu ki Healthline ki 0800 611 116, hoki atu rānei ki tētahi ngaio hauora.

Waea atu ki 111 mēnā e pēnei ana tō tamaitiv:

• he kikorangi te taha o te waha o tō pēpi, tērā rānei
• kei te hēmanawa tō pēpi, tērā rānei
• he uaua te whakaoho i tō pēpi, tērā rānei
• he pītawitawi, tērā rānei
• e pāhīhī ana te hāware

Tirohia ētahi atu mōhiohio mō te mate maremare pēpi (ki te reo Ingarihi) ki KidsHealth.