Bronchiolitis | Mate Pekahau Ririki (Animation)

Transcript

Ko te mate pekahau ririki he mate e kitea whānuitia ana, he mate tino hopuhopu nei hoki.

He rite tonu te pā mai a te mate pekahau ririki ki ngā pēpi kāore anō kia tae atu ki te kotahi tau te pakeke.

He rite tonu te tīmatatanga o te mate pekahau ririki ki te maremare noa. 

Ko ngā pēpi kua pāngia mai e te mate pekahau ririki:

• ka mare
• ka kaha ake, ka tere ake hoki te hēhē 
• ka hoihoi te hēhē 
• ka kirikā pea

Ka noho pea ngā tohumate mō ētahi rā.

I te nuinga o te wā ko te mate pekahau ririki he māuiui māmā. 

Ko te matapae ka piki katoa te ora o tō pēpi.

Ko ētahi pēpi, me haere pea ki te hōhipera ki te hiahia hāora rātou, ki te kore rānei rātou e taea te whāngai atu.

Kia kōhukihuki tō toronga atu ki tētahi ngaio hauora mēnā:

• kāore anō kia tae atu ki te 3 marama te pakeke o tō pēpi tērā rānei
• e tere ana te hēhē, kua hoihoi te hēhē, ka uaua ake rānei te hēhē o tō pēpi tērā rānei
• e māuiui ana te āhua o tō pēpi tērā rānei
• e kai ana tō pēpi kia iti iho i te haurua o āna kai māori tērā rānei
• e ruaki ana tō pēpi

Mēnā he āwangawanga āu, waea atu ki Healthline ki 0800 611 116 hoki atu rānei ki tētahi ngaio hauora.

Waea atu ki 111 mēnā:

• he kikorangi te taha o te waha o tō pēpi tērā rānei
• kei te hēmanawa tō pēpi tērā rānei
• he uaua te whakaoho i tō pēpi tērā rānei
• he pītawitawi tō pēpi

Kia kitea ai ētahi atu kōrero mō te mate pekahau ririki (ki te reo Pākehā) haere ki KidsHealth.