Bronchiolitis Animation (Tongan)

Transcript

Ko ha mahaki angamaheni ‘a e bronchiolitis ‘oku faingofua ‘aupito ke puke mei ai.

‘Oku fa‘a uesia ‘e he bronchiolitis ‘a e fanga ki‘i pēpē si‘i hifo ‘i he ta‘u tahá.

‘Oku fa‘a kamata ‘a e bronchiolitis ‘aki hano ma‘u ‘e he momokó (cold). 

Ko e fanga ki‘i pēpē ‘oku puke ‘i he bronchiolitis ‘oku:

• nau tale 
• faingata‘a mo vave ange ‘enau mānavá  
• longolongoa‘a ‘enau mānavá  
• malava kenau mofi 

‘E lava ke ‘asi ‘a e ngaahi faka‘ilonga ‘o e mahakí ‘i ha ngaahi ‘aho lahi.

‘Oku fa‘a tō ma‘ama‘a pē ‘a e bronchiolitis.

‘E lava ke ke ‘amanaki atu ‘e sai pē ‘a e puke ho‘o pēpeé ‘o mo‘ui lelei.

‘E ala fiema‘u ke ‘ave ha fanga ki‘i pēpē ‘e ni‘ihi ki falemahaki kapau tenau fiema‘u ha ‘osikena (oxygen) pe ‘ikai lava ‘o kai.

Sio leva ki ha tokotaha ngāue palofesinale ki he mo‘ui leleí ‘i he vave tahá kapau ko ho‘o pēpeé ‘oku:

• si‘i hifo ‘i he māhina ‘e 3 hono ta‘u motu‘á pe
• vave ‘ene mānavá, longolongoa‘a ‘ene mānavá pe faingata‘a ange ‘ene mānavá pe
• mata‘i puke pe
• si‘isi‘i ange ‘i he vaeuá ‘a e lahi ‘o e me‘akai angamaheni ‘oku ne kaí pe
• lua

Kapau ‘okú ke hoha‘a, telefoni ki he Healthline ‘i he fika 0800 611 116 pe toe foki ki ha tokotaha ngāue palofesinale ki he mo‘ui leleí.

Taila ‘a e 111 kapau ko ho‘o pēpeé ‘oku:

• lanu pulū takatakai ‘a e ngutú pe
• faingata‘a‘ia ‘ene mānavá pe
• faingata‘a ke ‘ā‘ā pe
• tāvaivaia 

Vakai ki ha fakamatala lahi ange fekau‘aki mo e bronchiolitis (‘i he Lea Faka-Pilitāniá) ‘i he KidsHealth.