Pneumonia | Te Pūkahu Kakā (Animation)

Transcript

Ko te pūkahu kakā he pokenga nō ngā pūkahukahu.

Ka pā pea tērā ki ngā tamariki, ahakoa te pakeke.

Ngā tamariki e pāngia nei e te pūkahu kakā:

• ka maremare
• ka kirikā hoki

Ākene pea ko ngā tamariki:

• ka kaha ake, ka tere ake hoki te hēhē 
• ka hoihoi te hēhē
• ka uaua ki a rātou te kai me te inu

Ki te whakaaro koe ka pāngia pea tō tamaiti e te pūkahu kakā, toro atu ki tētahi ngaio hauora.

Ka ora katoa te nuinga o ngā tamariki, engari ka rua wiki pea te roanga o te pikinga o te ora.

Me haere pea ētahi tamariki ki te hōhipera.

Mēnā kei te āwangawanga koe, waea atu ki Healthline ki 0800 611 116, me toro wawe atu rānei ki tētahi ngaio hauora mēnā:

• kāore anō kia tae atu ki te 3 marama te pakeke o tō tamaiti, tērā rānei
• he uaua ki a ia te hēhē, tērā rānei
• he iti iho i te haurua o āna kai māori, tērā rānei
• e māuiui ana te āhua o tō tamaiti, tērā rānei
• ka māuiui iho ia whai muri i te tīmatanga o te piki haere o te ora

Ahakoa kua kitea kētia tō tamaiti e tētahi ngaio hauora - mēnā kei te āwangawanga koe, ka māuiui iho ia rānei, toro atu anō ki tētahi ngaio hauora.

Waea atu ki 111 mēnā: 

• he kikorangi te taha o te waha o tō tamaiti, tērā rānei
• kei te hēmanawa tō tamaiti, tērā rānei 
• he uaua te whakaoho i tō tamaiti, tērā rānei
• he pītawitawi tō tamaiti

Ka pāngia mai ētahi tamariki e tētahi pokenga e roa ake nei te noho.

Toro atu ki tētahi ngaio hauora mēnā:

• ka kaha ake anō te maremare, tērā rānei
• ka roa ake i te 4 wiki te noho a te maremare, tērā rānei
• kua pāngia kētia tō tamaiti e te pūkahu kakā

Kia kitea ai ētahi atu kōrero mō te pūkahu kakā (ki te reo Pākehā) haere ki KidsHealth.